DEPUTATLAR REKONSTRUKSIYA ISHLARINI O‘RGANDILAR 

Xalq deputatlari Quva tuman Kengash kotibiyati mudiri R.Nodirov, tuman
Kengashi deputatlari M.Sayfidinov, Y.Axadaliyev hamda Kengash huzuridagi
yoshlar Maslaxat guruhi a’zolari I.Xomidov, J.Abdurashidovlar tarkibida
Oʻzbekiston Respublikasi Prezidentining 2025-yil 27-dekabrdagi
“2026–2028-yillarda Oʻzbekiston Respublikasining ijtimoiy va ishlab chiqarish
infratuzilmasini rivojlantirish chora-tadbirlari toʻgʻrisida”gi PQ–393-son
qarori ijrosini taʼminlash doirasida Yangichek mahalla fuqarolar yigʻinida joylashgan
52-son maktabgacha taʼlim tashkilotida olib borilayotgan rekonstruksiya ishlari
oʻrganildi. 

Mazkur obyekt “EFFEKT ELEGANT” MChJ tomonidan amalga oshirilayotgan boʻlib,
yangi bino 260 oʻringa moʻljallangan. Loyiha qiymati 4 milliard 485 million 411
ming soʻmni tashkil etadi. 

Oʻrganish jarayonida deputatlar tomonidan qurilish-montaj ishlarining
sifati, foydalanilayotgan qurilish materiallarining standartlarga mosligi,
belgilangan muddatlarga rioya etilishi, loyiha hujjatlariga toʻliq amal qilinishi
hamda obyektda mehnat xavfsizligi va texnika xavfsizligi qoidalariga qatʼiy
rioya etilishiga alohida eʼtibor qaratildi. Shuningdek, qurilish ishlarining
borishi, ishchi kuchi taʼminoti va texnik vositalardan samarali foydalanish
holati ham joyida koʻzdan kechirildi. 

Oʻrganish yakunida pudratchi tashkilot vakillariga qurilish ishlarini
jadallashtirish, sifat koʻrsatkichlarini yanada oshirish, mavjud kamchiliklarni
oʻz vaqtida bartaraf etish hamda obyektni belgilangan muddatlarda foydalanishga
topshirish yuzasidan tavsiya va koʻrsatmalar berildi. Aniqlangan kamchiliklar
“Deputatning ko‘cha aylanish daftariga qayd etildi, bartaraf etilishi nazoratga
olindi.