Axborot-kutubxona markazi faoliyati o‘rganildi

⚡️Xalq deputatlari Toyloq tuman Kengashining 17-Xo‘jayuz saylov okrugi deputati U. Tangirov hamda tuman Kengashi kotibiyati bosh mutaxassisi Sh. G‘afforov Bo‘g‘ichinor mahallasidagi Axborot-kutubxona markazi faoliyatini o‘rgandilar.

⚡️O‘rganish O‘zbekiston Respublikasining "Axborot-kutubxona faoliyati to‘g‘risida"gi 2011-yil 13-apreldagi O‘RQ-280-son Qonuni talablari ijrosi doirasida olib borildi. Unda kitob fondi, kitobxonlar uchun yaratilgan shart-sharoitlar, axborot-resurs xizmatlari hamda kitobxonlikni rivojlantirish borasida amalga oshirilayotgan ishlar ko‘zdan kechirildi.

⚡️Shuningdek, markaz faoliyati samaradorligini oshirish va xizmatlar sifatini yanada yaxshilash yuzasidan mas’ullar bilan fikr almashilib, tegishli tavsiyalar berildi.