Xalq deputatlari Qo‘qon shahar Kengashi deputati Sh.Dexkanov tomonidan "G‘ishtli masjid" mahalla fuqarolar yig‘inida xotin-qizlar faoli M.Sulaymonqulova faoliyati hamda O‘zbekiston Respublikasining 2019-yil 2-sentabrdagi O‘RQ-561-sonli "Xotin-qizlarni tazyiq va zo‘ravonlikdan himoya qilish to‘g‘risida"gi Qonuni ijrosi yuzasidan amalga oshirilayotgan ishlar o‘rganildi.

O‘rganish davomida mahalla xotin-qizlar faoli G.Toshmatova tomonidan qonun ijrosini ta’minlash borasida amalga oshirilgan ishlar yuzasidan batafsil ma’lumot berildi.

Jumladan, hisobot davrida:
8 nafar ajrim yoqasidagi oilalar yarashtirilgani;
2 nafar xotin-qizga profilaktika inspektori tomonidan himoya orderi rasmiylashtirilgani;
10 nafar xotin-qizga Qo‘qon shahar Adliya bo‘limi bilan hamkorlikda huquqiy yordam ko‘rsatilgani;
3 nafar ajrim yoqasida turgan oilada yarashtirish ishlari olib borilgani;
25 nafar ehtiyojmand xotin-qizga moddiy yordam ajratilgani qayd etildi.

Shuningdek, uchrashuv davomida fuqarolarning qonunchilikda belgilangan imtiyozlardan foydalanish imkoniyatlari, murojaatlarni ko‘rib chiqish tartibi, huquqiy himoya mexanizmlari hamda ehtiyojmand xotin-qizlarga ko‘rsatilayotgan xizmatlar samaradorligini yanada oshirish masalalari yuzasidan fikr almashildi.

O‘rganish yakunida xotin-qizlarning huquq va manfaatlarini ishonchli himoya qilish, oilalarda sog‘lom ma’naviy muhitni mustahkamlash, tazyiq va zo‘ravonlik holatlarining oldini olish hamda bu boradagi hamkorlikni yanada kuchaytirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi