Xalq deputatlari Sirdaryo viloyati Kengashi bosh mutaxassisi Sh.Tursunqulov, Sardoba tumani Kengashi raisi R.Tashpulatov, kotibiyat mudiri Q.O‘tayev hamda tuman Kengashi deputati G.Suvonqulovalar tomonidan Birlashgan mahallasida “Koʻmak” loyihasi asosida tashkil etilgan oʻquv markazi faoliyati yaqindan oʻrganildi.
Tashrif davomida markazda yoshlar uchun yaratilgan shart-sharoitlar, kasb-hunar va zamonaviy bilimlarni oʻrgatishga qaratilgan oʻquv jarayonlari bilan tanishildi. Shuningdek, loyiha doirasida yoshlarning bandligini taʼminlash, ularning bilim va koʻnikmalarini oshirish hamda kelgusida munosib ish oʻrinlariga ega boʻlishlariga koʻmaklashish borasida amalga oshirilayotgan ishlar muhokama qilindi.
Masʼullar tomonidan markaz faoliyatini yanada takomillashtirish, yoshlarni kasbga yoʻnaltirish va ularning tashabbuslarini qoʻllab-quvvatlash yuzasidan tegishli tavsiya hamda takliflar bildirildi.
“Koʻmak” loyihasi doirasida amalga oshirilayotgan bunday saʼy-harakatlar yoshlarning intellektual salohiyatini yuksaltirish, ularni zamonaviy kasblarga oʻrgatish hamda jamiyatda munosib oʻrin egallashlariga xizmat qilmoqda.