Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda Ishtixon tumani hokimligining texnik va xizmat ko‘rsatuvchi xodimlari hamda tuman Oila va xotin-qizlar bo‘limining texnik va xizmat ko‘rsatuvchi xodimlarini moddiy rag‘batlantirish uchun mablag‘ ajratish masalasi muhokama qilindi.

Muhokama davomida taqdim etilgan bildirishnomalar, tegishli xulosalar va hisob-kitob hujjatlari atroflicha o‘rganildi. Shuningdek, texnik va xizmat ko‘rsatuvchi xodimlarning 2026-yil aprel, may va iyun oylaridagi mehnat faoliyati, xizmat vazifalarini samarali va mas’uliyat bilan bajarganligi inobatga olindi.

Yig‘ilish yakunlariga ko‘ra, Ishtixon tumani hokimligi hamda tuman Oila va xotin-qizlar bo‘limining texnik va xizmat ko‘rsatuvchi xodimlarini moddiy rag‘batlantirish bilan bog‘liq xarajatlarni mahalliy byudjetning qo‘shimcha manbalari hisobidan moliyalashtirish masalasini Xalq deputatlari Ishtixon tumani Kengashining navbatdagi sessiyasi muhokamasiga kiritish maqsadga muvofiq deb topildi.

📍 Doimiy komissiya tomonidan mahalliy byudjet mablag‘larining qonuniy, maqsadli va samarali sarflanishini ta’minlash masalalariga alohida e’tibor qaratib kelinmoqda.

Bizni ijtimoiy tarmoqlarda kuzating:
Telegramm | Web-sayt | Facebook | Instagram