Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar  hamda “Buxoro suv ta’minoti” AJ Jondor tumani filiali mas’ul xodimi bilan hamkorlikda “Navgadi” mahallasidagi ko‘p qavatli uylarda aholini issiq va sovuq suv bilan ta’minlash holati o‘rganildi.
➡️O‘rganish jarayonida ko‘p qavatli uylardagi suv ta’minoti tizimining amaldagi holati, suv bosimi, tarmoqlarda mavjud muammolar hamda aholiga ko‘rsatilayotgan xizmatlar sifati tahlil qilindi. Shuningdek, fuqarolar bilan muloqot qilinib, ularning taklif va murojaatlari tinglandi.
➡️Mas’ullar tomonidan ayrim xonadonlarda kuzatilayotgan muammolarni bartaraf etish, suv ta’minoti tizimining uzluksiz ishlashini ta’minlash hamda aholiga sifatli kommunal xizmat ko‘rsatish yuzasidan tegishli chora-tadbirlar belgilab olindi.
➡️Tadbir davomida aholini toza ichimlik suvi bilan barqaror ta’minlash, kommunal xizmatlar sifatini yanada yaxshilash hamda fuqarolarning hayot sifatini oshirishga qaratilgan ishlar doimiy nazoratda bo‘lishi ta’kidlandi.
➡️Xalq deputatlari Jondor tumani Kengashi tomonidan aholini qiynayotgan muammolarni joyiga chiqqan holda o‘rganish va ularga amaliy yechim topish bo‘yicha ishlar izchil davom ettirilmoqda.