Bepul dori vositalari ta’minoti o‘rganildi.

Xalq deputatlari Qiziltepa tuman Kengashi raisi U. Bobojonov Xalq deputatlari tuman Kengashining 4-Oqsoch saylov okrugida joylashgan 22-son Oilaviy poliklinikada bo‘lib, aholiga bepul beriladigan dori vositalari bilan ta’minlanganlik holatini o‘rgandi.

O‘rganish davomida poliklinikada mavjud dori vositalari zaxirasi, ularni saqlash sharoitlari hamda ehtiyojmand fuqarolarga yetkazib berish jarayonlari ko‘zdan kechirildi.

Shuningdek, bepul dori-darmonlarni ajratish va tarqatish jarayonining amaldagi tartiblar asosida olib borilayotgani yuzasidan mas’ullarning axborotlari tinglandi.

U. Bobojonov tomonidan aholini sifatli tibbiy xizmat va zarur dori vositalari bilan uzluksiz ta’minlash, mavjud muammolarni o‘z vaqtida bartaraf etish hamda bu boradagi ishlarni doimiy nazoratda olib borish yuzasidan tegishli tavsiyalar berildi.