O‘smat shaharchasidagi "Oydin Hayot" ko‘chasida asfaltlash ishlari rejalashtirildi.
Aholi farovonligi va yo‘llar ravonligi doimiy e’tiborda! Xalq deputatlari tuman Kengashi deputati B.Amanov va bosh mutaxassis S.Bektemirov O‘smat shaharchasidagi "Oydin Hayot" ko‘chasining ayni paytdagi holatini atroflicha o‘rgandilar.
Ushbu ko‘chada yashovchi aholiga qulaylik yaratish, transport qatnovini yaxshilash maqsadida mas’ullar tomonidan tegishli choralar belgilandi.
O‘rganishlar natijasiga ko‘ra, mazkur ko‘chani davlat dasturlari doirasida to‘liq asfaltlashtirish choralari ko‘riladigan bo‘ldi.
Yaqin kunlarda ko‘chada ta’mirlash ishlari boshlanib, u batamom yangi va ravon qiyofaga keltiriladi.