Xalq deputatlari Qo‘qon shahar Kengashi 26-"Yangi obod" saylov okrugi deputati G.Payg‘amova tomonidan “Turkiston” MFY hududida yashovchi fuqarolarning murojaatlari joyiga chiqqan holda o‘rganildi.

Jumladan, Charxiy ko‘chasi 23/41-uyda istiqomat qiluvchi fuqaro Sh.Xaydarovaning murojaati ko‘rib chiqildi.

Aniqlanishicha, fuqaroning turmush o‘rtog‘i U.Xaydarov tizza payi uzilishi sababli murakkab jarrohlik amaliyotini boshdan kechirgan va hozirda moddiy ko‘makka ehtiyoj sezmoqda.

Murojaatni ijobiy hal etish maqsadida fuqaroga tegishli tartibda moddiy yordam ajratish bo‘yicha zarur hujjatlar rasmiylashtirilib, masala mahalladagi ijtimoiy xodim nazoratiga yo‘naltirildi.

Aholining ijtimoiy himoyaga muhtoj qatlamlarini qo‘llab-quvvatlash va ularga manzilli yordam ko‘rsatish borasidagi ishlar davom etmoqda.

Xalq deputatlari Qo‘qon shahar Kengashi