#deputatlar_nazorati #poytaxtdeputatlari #deputatlik_faoliyati

❗️Deputat tashabbusi bilan muammoga tezkor yechim topildi

🏛 Xalq deputatlari Toshkent shahar Kengashi deputati Sakinaxon Said Gaziyeva tomonidan 24-Olmazor saylov okrugida saylovchilar bilan uchrashuvlarda ko‘tarilgan masalalar yuzasidan ishchi guruh hamkorligida manzilli o‘rganishlar olib borildi.

🔎 O‘rganishlar davomida Chilonzor tumanidagi 168-sonli umumta’lim maktabi atrofida drenaj tizimining ishdan chiqqani, lotoklarning yopib tashlangani, piyodalar uchun xavfsiz yo‘lak mavjud emasligi hamda maktab oldidagi transport qatnovining haddan tashqari yuqoriligi tufayli o‘quvchilar harakati uchun xavfli vaziyat yuzaga kelayotgani aniqlandi. Bu holat ota-onalar va mahalla ahli tomonidan haqli e’tirozlarga sabab bo‘lib kelayotgan edi.

📌 Hududga joyiga chiqqan holda o‘tkazilgan o‘rganish jarayonida deputat mahalla faollari, fuqarolar hamda tegishli mutasaddi tashkilotlar vakillari bilan birgalikda mavjud muammolarni atroflicha muhokama qildi va ularni bartaraf etish yuzasidan aniq vazifalarni belgilab berdi.

📝 Deputat tashabbusi va qat’iy sa’y-harakatlari natijasida shu kunning o‘zidayoq maktab oldiga to‘xtab turish va harakat xavfsizligini ta’minlovchi yo‘l belgilari o‘rnatildi. Mazkur tezkor choralar o‘quvchilarning maktabga kelib-ketishida xavfsizlikni ta’minlash, yo‘l-transport hodisalarining oldini olish hamda ota-onalarning xavotirlarini kamaytirishda muhim qadam bo‘ldi.

📉 Shuningdek, hududdagi piyodalar yo‘lagini barpo etish, drenaj tizimini qayta tiklash va lotoklarni tartibga keltirish bo‘yicha loyiha-smeta hujjatlarini ishlab chiqish hamda amaliy ishlarni boshlash yuzasidan mas’ul tashkilotlarga tegishli topshiriqlar berildi.

🤝 Mazkur o‘rganishlar davomida ko‘tarilgan boshqa dolzarb masalalar yuzasidan ham tegishli tashkilot va idoralar rahbarlariga deputatlik so‘rovlari yuborilib, ularning ijrosi deputat nazoratiga olindi. Bu esa hududdagi mavjud muammolarni bosqichma-bosqich hal etish, fuqarolar uchun yanada qulay va xavfsiz muhit yaratishga xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash