Tuman Kengashi kotibiyati hamda “Adolat” SDP Toshkent viloyati Kengashi hamkorligida Parkent tumanidagi “Inson” ijtimoiy xizmatlar markazida ijtimoiy xodimlar ishtirokida davra suhbati tashkil etildi. Unda Tuman Kengashi kotibiyati mudiri Mavluda Berdiqulova so‘zga chiqib, hududlarda olib borilayotgan islohotlarda deputatlik korpusi va kotibiyatning o‘rni, aholi bilan ishlash samaradorligini oshirish, fuqarolarning murojaatlarini tizimli hal etish borasida amalga oshirilayotgan ishlar haqida batafsil to‘xtalib o‘tdi. Shuningdek, u partiya bilan hamkorlikni yanada kuchaytirish orqali joylardagi dolzarb masalalarga tezkor va samarali yechim topish muhim ekanini hamda Kengash kotibiyati va partiya hamkorligi muhim ahamiyat kasb etishini alohida ta’kidladi. Tadbirda partiya viloyat Kengashi raisi birinchi o‘rinbosari Dilshod Isroilov ham so‘zga chiqib, partiyaning asosiy yo‘nalishlari hamda aholining ijtimoiy himoyasini kuchaytirishga qaratilgan tashabbuslar haqida ma’lumot berdi.