Ushbu uchrashuv Shayxontohur tumanidagi “Eshonguzar” mahalla fuqarolar yigʻini binosida boʻlib oʻtdi. Unda tuman deputati, mahalla fuqarolar yigʻinlari faollari va fuqarolar ishtirok etdi.

Deputat U.Sobirov tomonidan Qonunchilik, Saylovchilar bilan ishlash, hududni ijtimoiy-iqtisodiy rivojlantirish, kommunal xizmat koʻrsatish korxonalari tomonidan amalga oshirilgan ishlar hamda kelgusidagi vaziflar haqida axborot berdi.

Xususan, u oʻtgan davr mobaynida aholi bilan 3 marotaba ochiq muloqotlar, 4 ta fuqarolar qabullari tashkil etilib, fuqarolar murojaatlariga asosan masʼul tashkilotlarga 2 ta deputatlik soʻrovlari yuborilganligini maʼlum qildi.

Bundan tashqari, deputatlik faoliyatining asosiy 24 ta yoʻnalishlari mahallalarda obodonlashtirish ishlari, yoshlar bandligini taʼminlash hamda ijtimoiy himoyaga muhtoj oilalarni qoʻllab-quvvatlash masalalari boʻyicha mahalla masʼul xodimlari faoliyati muhokama qilndi.

Uchrashuv davomida fuqarolar tomonidan bildirilgan murojaatlarning aksariyati boʻyicha tegishli tashkilotlar bilan hamkorlikda amaliy choralar koʻrish, ayrim masalalar ijrosi nazoratga olinishi belgilab oʻtildi. 

Uchrashuv yakunida deputat tomonidan aholi roziligi — ishonch va hamkorlik mevasi ekanligini taʼkidlab oʻtdi.