Xalq deputatlari Chilonzor tumani Kengashi deputati, Lutfiy mahallasi vakili Xidiyatullina Rima Rashitovna hududni o‘rganib, aholini tashvishga solayotgan dolzarb masalalardan biri — ilgari mavjud bo‘lgan ariqlarni qayta tiklash zarurligini o'rgangan edi.
➡️https://t.me/chilonzor_tuman_deputatlari/3287?single

O‘rganish davomida mahalladagi ko‘kalamzor hududlarni saqlash, daraxt va ekinlarni o‘z vaqtida sug‘orish, shuningdek, suv ta’minotini yaxshilash masalalari muhokama qilindi. Aniqlanishicha, avval mavjud bo‘lgan ariqlarni qayta tiklash hududni obodonlashtirish, yashil maydonlarni asrab-avaylash hamda suv resurslaridan samarali foydalanishda muhim ahamiyat kasb etadi.

Mazkur muammoni hal etish uchun ariqlarni tiklash ishlarini amalga oshirish, zarur mablag‘ ajratish imkoniyatlarini o‘rganish va tegishli tashkilotlar tomonidan amaliy choralar ko‘rilishi lozim.

Shu munosabat bilan deputat tomonidan Lutfiy mahallasidagi ariqlarni qayta tiklash, ushbu ishlarni moliyalashtirish imkoniyatlarini ko‘rib chiqish hamda muammoni bartaraf etish yuzasidan tegishli choralar ko‘rish masalalari bo‘yicha deputatlik so‘rovi yuborildi.✍️🛫


Ariqlarning qayta tiklanishi mahalladagi daraxtlar va yashil hududlarni muntazam sug‘orish, obodonlashtirish ishlarini samarali tashkil etish hamda aholi uchun yanada qulay va ekologik jihatdan sog‘lom muhit yaratishga xizmat qiladi.

Deputatning asosiy maqsadi — aholi murojaatlari va hududdagi dolzarb muammolarni o‘rganish, ularning yechimi yuzasidan tegishli tashkilotlar oldiga aniq masalalarni qo‘yish hamda ijobiy natijalarga erishishdan iborat.