🏫 MAKTABNING KUZ-QISH MAVSUMIGA TAYYORGARLIK HOLATI O‘RGANILDI

Xalq deputatlari Uchquduq tuman Kengashi 3-Kukpatas saylov okrugi deputati B.Kuzenbayev tomonidan Mingbuloq OFY hududida joylashgan 11-sonli umumta’lim maktabining kuz-qish mavsumiga tayyorgarlik holati o‘rganildi.

🔎 O‘rganish davomida maktab binosining kuz-qish mavsumiga tayyorgarligi, isitish tizimining holati, sinf xonalarida zarur sharoitlarning yaratilgani hamda o‘quvchilar uchun qulay va xavfsiz ta’lim muhitini ta’minlash masalalariga e’tibor qaratildi.

🌡 Shuningdek, sovuq kunlarda ta’lim jarayonining uzluksizligini ta’minlash, mavjud kamchiliklarni o‘z vaqtida bartaraf etish va maktabda zarur sharoitlarni yaratish yuzasidan tegishli masalalar ko‘rib chiqildi.

📌 Mazkur o‘rganishdan ko‘zlangan maqsad — ta’lim muassasasining kuz-qish mavsumini betalafot o‘tkazishi hamda o‘quvchilar va pedagoglar uchun munosib sharoitlarni ta’minlashdan iborat.