Xalq deputatlari Oltinsoy tuman Kengashining 11-“Guliston” saylov okrugidan saylangan deputat Mamatmuratov Azamat Karamatovich hamda mahalla nuroniylari ishtirokida okrug hududida joyiga chiqqan holda navbatdagi o‘rganish ishlari olib borildi.

📌 O‘rganish davomida quyidagilarga e’tibor qaratildi:
Obodonlashtirish va tozalik holati: Mahalla ko‘chalari bo‘ylab o‘tkazilgan ko‘zdan kechirish davomida yo‘l yoqasidagi toza-ozodalik, shox-shabba va yog‘och chiqindilarini tartibga keltirish hamda hududning umumiy qiyofasini yaxshilash masalalari atroflicha muhokama qilindi.

Infratuzilma va yo‘l holati: Mahalla ichki yo‘llarining holati, ariqlar va suv yo‘llarini tozalash hamda elektr ustunlari atrofidagi xavfsizlik choralarini ta’minlash bo‘yicha ko‘rsatmalar belgilandi.

Nuroniylar bilan maslahat va hamkorlik: Hududdagi muammolarni bartaraf etishda boy hayotiy tajribaga ega mahalla nuroniylarining taklif va tavsiyalari eshitildi.

O‘rganish natijalariga ko‘ra aniqlangan kamchiliklarni qisqa fursatda bartaraf etish, obodonlashtirish ishlarini jadallashtirish hamda tegishli mutasaddi tashkilotlarga murojaatlar yuborish bo‘yicha vazifalar belgilab olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz