Xalq deputatlari Nurobod tumani Kengashi deputati D.Xushvaqtov tomonidan tumandagi 11-Po‘latchi saylov okrugi hududida joylashgan Po‘latchi mahallasida mahalla yettiligi hamda deputatga biriktirilgan tashkilot vakili bilan hamkorlikda aholi xonadonlariga tashrif buyurilib, fuqarolarni qiynab kelayotgan muammolar joyiga chiqib o‘rganildi.

O‘rganishlar davomida fuqarolar tomonidan infratuzilma, kommunal xizmatlar hamda boshqa ijtimoiy masalalar yuzasidan murojaatlar va takliflar bildirildi.

Deputat D. Xushvaqtov tomonidan ko‘tarilgan masalalarni ijobiy hal etish maqsadida tegishli tashkilot va muassasalar rahbarlariga amaliy taklif hamda tavsiyalar berildi. Shuningdek, aniqlangan muammolarni bartaraf etish bo‘yicha zarur choralarni ko‘rish va ularning ijrosini ta'minlash yuzasidan tegishli mutasaddilar bilan hamkorlik ishlari yo‘lga qo‘yildi.

Bunday xonadonbay o‘rganishlar fuqarolar bilan ochiq muloqotni mustahkamlash, ularning murojaatlariga tezkor yechim topish hamda hududdagi mavjud muammolarni bartaraf etishda muhim ahamiyat kasb etadi.