Xalq deputatlari Sardoba tumani Kengashi deputati G.Suvonqulovaning tashabbusi va amaliy sa’y-harakatlari bilan "Birlashgan" mahallasi hududida istiqomat qiluvchi ijtimoiy himoyaga muhtoj, kam ta’minlangan oila xonadonida xayrli hashar tashkil etildi.
Deputat tashabbusi atrofida mahalla faollari, yoshlar va ko‘ngillilar birlashib, xonadonni obodonlashtirish, hovli hududini tartibga keltirish hamda oilaga amaliy ko‘mak ko‘rsatish ishlarini amalga oshirdilar.
G.Suvonqulova tomonidan ilgari surilayotgan bunday ezgu tashabbuslar aholini ijtimoiy qo‘llab-quvvatlash, ehtiyojmand oilalarga mehr-e’tibor ko‘rsatish, yoshlarni ezgulik va saxovat ruhida tarbiyalash hamda mahallada o‘zaro hamjihatlik muhitini yana-da mustahkamlashga xizmat qilmoqda.
Bunday xayrli ishlar xalq vakillarining aholi dardiga befarq emasligi, fuqarolarning turmush farovonligini yuksaltirish yo‘lidagi amaliy sa’y-harakatlarining yana bir yorqin ifodasi bo‘ldi.