Xalq deputatlari Chilonzor tumani Kengashining 1-Beshyog‘och saylov okrugi deputati Fayzullayeva Malika Yarkunovna faoliyat olib borayotgan Katta Olmazor mahallasida fuqarolar murojaatlarini o‘rganish va ularda ko‘tarilgan masalalarni ijobiy hal etish bo‘yicha amaliy ishlar olib borilmoqda.

Jumladan, fuqarolardan kelib tushgan murojaatlar asosida mahalla hududidagi 16/4-sonli ko‘p qavatli uy tom qismining 40 kvadrat metr maydoni to‘liq ta’mirdan chiqarildi.

Ta’mirlash ishlari davomida tom qismining muammoli holati bartaraf etilib, uning texnik holatini yaxshilashga qaratilgan zarur ishlar amalga oshirildi.

Mazkur ishlar aholiga qulay va xavfsiz yashash sharoitlarini yaratish, ko‘p qavatli uy-joylarni obodonlashtirish hamda fuqarolar murojaatlarida ko‘tarilayotgan masalalarga o‘z vaqtida amaliy yechim topish maqsadida amalga oshirildi.

Deputat tomonidan saylov okrugidagi fuqarolar bilan muloqotni mustahkamlash, ularning murojaatlarini tizimli ravishda o‘rganish hamda aniqlangan muammolarni tegishli tashkilotlar bilan hamkorlikda bartaraf etish bo‘yicha ishlar izchil davom ettirilmoqda.