“Mening bog‘im” loyihasi doirasida tashkil etilayotgan yashil jamoat parki qurilishining ijrosi yuzasidan aniqlangan kamchiliklar bo‘yicha deputatlar tomonidan o‘rganish o‘tkazildi 

Oltiariq tumanida "Mening bog'im" loyihalari doirasida Yashil jamoat parkini tashkil qilish bo'yicha Xalq deputatlari tuman Kengashining qarori qabul qilingan edi. Qaror ijrosi yuzasidan deputatlar tumanning “Yangiarab” mahalla fuqarolar yig‘ini hududida 132-sonli konturdagi 0,11 gektar yer maydonida o'rganish
o'tkazishdi. Ma'lum bo'lishicha hududga manzarali gul va daraxtlar ekilgan bo'lsada, ammo loyihaga
ko'ra amalga oshirilishi nazarda tutilgan ishlar oxiriga yetkazilmagan. Aniqlangan kamchiliklar bartaraf etish yuzasidan pudratchi O'rmon va yashil hududlarni ko'paytirish, cho'llanishga qarshi kurashish agentligi mas'ullari bilan holat yuzasidan muhokama o'tkazildi. Mas'ullarning bergan ma'lumotlariga ko'ra 2025-yilda boshlangan ishlar uch yil mobaynida yakuniga yetkazish belgilanganligi, obyektni topshirish muddatidan kechikmasligi to'g'risida ma'lumot olindi. Aniqlangan kamchiliklar yuzasidan masʼullardan rasmiy javob olish uchun deputatlik so‘rovi yuboriladi.