Xalq deputatlari Muzrabot tumani Kengashiga 10-Yangiyer saylov okrugidan saylangan deputat Tangirov Tursunqul tomonidan tuman Kengashi kotibiyati bosh mutaxassisi B. Xoliqov bilan hamkorlikda "Yangiyer" mahallasida joylashgan 47-sonli umumta’lim maktabida o‘rganish ishlari olib borildi.

O‘rganish davomida maktabning yangi o‘quv yiliga tayyorgarlik holati, sinfxonalarning shayligi, amalga oshirilgan ta’mirlash va obodonlashtirish ishlari ko‘zdan kechirildi. Qisqa muddatda zarur ta’mirlash ishlari yakunlanib, sinfxonalar tartibga keltirilgani hamda maktab hududi obodonlashtirilgani e’tirof etildi.

Shuningdek, maktab rahbariyati bilan uchrashuv o‘tkazilib, ta’lim sohasidagi islohotlar, ta’lim sifatini oshirish, o‘quv jarayonini takomillashtirish hamda yoshlarni vatanparvarlik ruhida tarbiyalash masalalari yuzasidan fikr almashildi.

✅ Deputatlarning joylardagi bunday o‘rganishlari ta’lim muassasalaridagi mavjud holatni yaqindan baholash, aniqlangan masalalarni hal etish hamda yangi o‘quv yiliga puxta tayyorgarlik ko‘rilishi muhim o‘rin tutadi.