Xalq deputatlari Muzrabot tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zosi Kenjayeva Mazluma hamda tuman Kengashi kotibiyati bosh mutaxassisi B. Xoliqov hamkorligida O‘zbekiston Respublikasining 2019-yil 11-martdagi O‘RQ–528-sonli “Fuqarolarning reproduktiv salomatligini saqlash to‘g‘risida”gi Qonuni ijrosi yuzasidan Muzrabot tumani tibbiyot birlashmasida o‘rganish ishlarini olib borishdi.

O‘rganish maxsus tayyorlangan savolnoma asosida o‘tkazildi.

Muzrabot tumanida “Fuqarolarning reproduktiv salomatligini saqlash to‘g‘risida”gi O‘zbekiston Respublikasi Qonuni ijrosini o‘rganish doirasida sohada amalga oshirilayotgan ishlar tahlil qilindi.

O‘rganishlar davomida tumanda:
- onalik va bolalikni muhofaza qilish;
- homilador ayollarni erta ro‘yxatga olish va muntazam tibbiy kuzatuvga olish;
- skrining tekshiruvlarini tashkil etish;
- reproduktiv salomatlik bo‘yicha aholi o‘rtasida targ‘ibot ishlarini kuchaytirish;
- oilaviy rejalashtirish va kontrasepsiya vositalari bilan ta’minlash;
- yoshlar o‘rtasida tibbiy madaniyatni yuksaltirish bo‘yicha tizimli ishlar amalga oshirilayotgani qayd etildi.

Tibbiyot muassasalari, oilaviy poliklinikalar, patronaj hamshira va doyalar hamda mahalla institutlari o‘rtasidagi hamkorlik samarali yo‘lga qo‘yilgan.

Ayni paytda, aholi uchun bepushtlikni davolash va yordamchi reproduktiv texnologiyalardan foydalanish imkoniyatlarini kengaytirish maqsadida viloyat darajasida ixtisoslashtirilgan tibbiyot markazini tashkil etish maqsadga muvofiqligi qayd etildi.