Xalq deputatlari Jizzax viloyati Kengashi kotibiyati bosh mutaxassisi D.Tojiqulov hamda viloyat Kengashi deputati O.Mamatqulov tomonidan Xalq deputatlari Zomin tuman Kengash kotibiyati faoliyati o‘rganildi.

O‘rganish davomida Kengash kotibiyati faoliyatini samarali tashkil etish, doimiy komissiyalar ishini faollashtirish, tasdiqlangan ish rejalari ijrosini ta’minlash, deputatlarning saylovchilar bilan ishlash samaradorligini oshirish, navbatdagi sessiyalar uchun materiallarni sifatli tayyorlash hamda qabul qilingan qarorlar ijrosi ustidan nazoratni kuchaytirish masalalari muhokama qilindi.

Shuningdek, Kengash faoliyatida amaldagi qonunchilik talablariga rioya etilishi, hujjatlar yuritilishi va deputatlik nazoratini yanada takomillashtirish yuzasidan tavsiyalar berildi.

Uchrashuv yakunida Xalq deputatlari Zomin tuman Kengashi faoliyatini ommaviy axborot vositalari va ijtimoiy tarmoqlarda keng yoritish, ochiqlik va shaffoflik tamoyillarini mustahkamlash hamda jamoatchilik bilan samarali muloqotni yo‘lga qo‘yish bo‘yicha amaliy tavsiyalar bildirildi.