Xalq deputatlari Jalaquduq tuman Kengashining haftalik ish rejasiga asosan Mаҳalliy бюджет, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi. Yig‘ilishda tuman Soliq inspeksiyasining 2026 yil 1-choragi davomida mahalliy byudjet ijrosini ta’minlash, soliq tushumlarini oshirish hamda iqtisodiy barqarorlikni mustahkamlash bo‘yicha amalga oshirilgan ishlari yuzasidan hisoboti eshitildi. Yig‘ilish davomida dastlabki uch oyda mahalliy byudjetga tushgan daromadlar, belgilangan prognoz ko‘rsatkichlarining bajarilishi, soliq va majburiy to‘lovlarning undirilish holati atroflicha tahlil qilindi. Shuningdek, qo‘shimcha daromad manbalarini aniqlash, soliq bazasini kengaytirish, byudjet tushumlarini oshirish hamda tadbirkorlikni qo‘llab-quvvatlash bo‘yicha amalga oshirilayotgan ishlar muhokama etildi.Tuman Soliq inspeksiyasi mutasaddilari tomonidan soliq qarzdorligini qisqartirish, yashirin iqtisodiyotga qarshi kurashish, yer va mol-mulk solig‘i tushumlarini oshirish hamda yangi tadbirkorlik subyektlarini
ro‘yxatdan o‘tkazish orqali byudjet daromadlarini mustahkamlash bo‘yicha ma’lumotlar berildi. Komissiya a’zolari tomonidan hisobot yuzasidan savollar berilib, mavjud muammo va kamchiliklar muhokama qilindi. Yig‘ilish yakunida byudjet ijrosini ta’minlash, daromadlar bazasini kengaytirish, soliq intizomini mustahkamlash hamda aniqlangan kamchiliklarni bartaraf etish bo‘yicha mas’ullarga aniq vazifalar yuklatildi. Shuningdek, yig‘ilishda tuman Kengashi huzuridagi “Yoshlar maslahat guruhi” a’zolari ham ishtirok etdilar.