Xalq deputatlari Jalaquduq tuman Kengashi raisi Sh. Xaytahhunov tomonidan navbatdagi fuqarolar qabuli o‘tkazildi. Qabul jarayonida tuman aholisi tomonidan turli sohalarga oid murojaatlar qabul qilinib, ularning mazmuni atroflicha o‘rganildi.Uchrashuv davomida fuqarolar tomonidan ko‘tarilgan huquqiy masalalar, ijtimoiy muammolar hamda kundalik hayotda duch kelinayotgan ayrim masalalar mutasaddi tashkilotlar ishtirokida batafsil muhokama qilindi. Har bir murojaat bo‘yicha qonunchilik doirasida tushuntirishlar berilib, imkon doirasida masalalarni joyida hal etish choralari ko‘rildi. Shu bilan birga, muddat talab etadigan hamda chuqurroq o‘rganishni talab qiladigan murojaatlar tegishli tartibda nazoratga olinib, mas’ul tashkilot va idoralarga ijro uchun yo‘naltirildi. Ularning ijrosi yuzasidan doimiy monitoring olib borilishi belgilandi. Qabul jarayonida fuqarolar bilan ochiq va samimiy muloqot yo‘lga qo‘yilib, aholining muammolarini tizimli ravishda hal etish, ularning roziligini ta’minlash hamda hududlarda ijtimoiy barqarorlikni yanada mustahkamlash masalalariga alohida e’tibor qaratildi.