Xalq deputatlari Uzun Kengashi deputati Safargul Rajabova 2025-yilning to‘rtinchi choragi bo‘yicha axborot berdi

Xalq deputatlari tuman Kengashi deputati S.Rajabova Yangi yo'l mfy saylovchilariga 2025-yilning to‘rtinchi choragi davomida amalga oshirilgan deputatlik faoliyati yuzasidan axborot berdi. Hisobot davrida deputat tomonidan tuman Kengashi sessiyalari hamda doimiy komissiyalar yig‘ilishlarida faol ishtirok etilib, mahalla institutini rivojlantirish, ijtimoiy barqarorlikni ta’minlash, xotin-qizlar va yoshlarni qo‘llab-quvvatlashga oid masalalar yuzasidan fikr va takliflar bildirildi.

Shuningdek, mahallalarda jinoyatchilikning oldini olish, shaffoflikni ta’minlash, oila institutini mustahkamlash, sog‘lom oila muhitini shakllantirish masalalari deputatlik faoliyatining muhim yo‘nalishlari sifatida qayd etildi. Davra suhbatida xotin-qizlarning ta’lim olishi, kasb-hunar egallashi, oilaviy qadriyatlarni asrash va mustahkamlash masalalariga alohida e’tibor qaratildi. .