Xalq deputatlari Termiz shahar Kengashining faol deputati Dilabr Normurodova o‘z saylovchilarining muammolarini hal etishda yana bir bor namuna ko‘rsatdi. Deputatning aholi manfaatlari yo‘lidagi aniq va tezkor harakatlari natijasida shahardagi 11-sonli umumta’lim maktabi hududidagi muammo muvaffaqiyatli bartaraf etildi. Bu deputatning fuqarolar bilan doimiy muloqotda bo‘lishi va ularning haqli e’tirozlariga mas’uliyat bilan yondashishi samarasidir.

Shahardagi 11-sonli umumta’lim maktabi hududida uzoq vaqtdan beri saqlanib kelayotgan chiqindi uyumlari maktab jamoasi, ota-onalar va yaqin atrofda yashovchi aholi orasida haqli xavotirlarga sabab bo‘layotgan edi. Bu nafaqat estetik jihatdan noxush manzara, balki bolalar salomatligiga jiddiy tahdid soluvchi antisanitariya o‘chog‘iga aylangan edi.

Deputat Dilabr Normurodova ushbu muammoni fuqarolarning murojaati asosida zudlik bilan o‘rgandi. Deputatning qat’iy talabi va shaxsiy nazorati ostida qisqa muddat ichida maktab atrofidagi barcha chiqindi uyumlari tozalanib, hudud sanitariya talablariga muvofiq holatga keltirildi. Endilikda maktab o‘quvchilari toza va sog‘lom muhitda ta’lim olish imkoniyatiga ega bo‘lishdi.

Dilabr Normurodovaning o‘z vakolatlaridan samarali foydalanib, aholining kundalik muammolarini tezkorlik bilan hal etishga bo‘lgan intilishining yaqqol namunasidir. Ushbu faoliyat Prezidentimiz ilgari surgan “Inson qadri uchun” tamoyilining amaldagi ifodasi bo‘lib, mahalliy Kengashlar va deputatlarning aholi turmush farovonligini oshirishdagi muhim o‘rnini yana bir bor tasdiqlaydi. Xalq deputatlari Termiz shahar Kengashi aholi bilan doimiy muloqotni davom ettiradi va har bir murojaatni e’tiborsiz qoldirmaydi.