Davlat xizmatlari sifati va iste’molchilar huquqlari o‘rganildi

Xalq deputatlari Termiz tuman Kengashi deputatlari tomonidan Davlat xizmatlari markaziga tashrif buyurilib, aholiga ko‘rsatilayotgan davlat xizmatlarining sifati, tezkorligi va qulayligi yuzasidan o‘rganish olib borildi.

O‘rganish davomida markaz faoliyati, fuqarolarga yaratilgan shart-sharoitlar, davlat xizmatlarini ko‘rsatish jarayonlari hamda murojaatlarni ko‘rib chiqish tartibi bilan yaqindan tanishildi.

Shuningdek, O‘zbekiston Respublikasining “Iste’molchilarning huquqlarini himoya qilish to‘g‘risida”gi Qonuni mazmun-mohiyatidan kelib chiqib, fuqarolarning huquq va qonuniy manfaatlarini himoya qilish, ularga ko‘rsatilayotgan xizmatlarning sifati va qonuniyligini ta’minlash masalalariga alohida e’tibor qaratildi.

Fuqarolarning xizmatlardan foydalanish jarayonidagi muammo va takliflari tinglanib, ularning huquqiy manfaatlarini ta’minlash, murojaatlarni o‘z vaqtida ko‘rib chiqish hamda xizmat ko‘rsatish sifatini yanada oshirish bo‘yicha fikr almashildi.

Deputatlar tomonidan davlat xizmatlarini xalq uchun yanada qulay, shaffof, tezkor va sifatli tashkil etish, fuqarolarning huquqlarini ishonchli himoya qilish hamda iste’molchi manfaatlarini ta’minlash muhim vazifa ekanligi ta’kidlandi.

O‘rganish yakunida aniqlangan masalalar yuzasidan tegishli tavsiya va takliflar bildirilib, ularning ijrosini deputatlik nazorati asosida kuzatib borish belgilandi.

Fuqarolar huquqi va manfaatlarini himoya qilish — qonun ustuvorligining muhim mezonidir.