Xalq deputatlari Qo‘qon shahar Kengashi kotibiyati mudiri A.Nosirov hamda Oliy Majlis Qonunchilik palatasi deputati M.Valiyev bilan birgalikda Qo‘qon muzey-qo‘riqxonasi tarkibidagi Adabiyot muzeyi faoliyati yuzasidan o‘rganish va suhbat o‘tkazildi.

Uchrashuv davomida muzeyning bugungi faoliyati, adabiy merosni asrab-avaylash, tarixiy eksponatlarni saqlash, fond boyliklarini kengaytirish hamda yosh avlodni milliy adabiyot va madaniyatga hurmat ruhida tarbiyalash borasida amalga oshirilayotgan ishlar muhokama qilindi.

Shuningdek, muzeyga tashrif buyuruvchilar uchun yaratilgan sharoitlar, ekspozitsiyalarni zamonaviy yondashuvlar asosida boyitish, raqamlashtirish jarayonlari hamda madaniy-ma’rifiy tadbirlarni yanada rivojlantirish masalalari yuzasidan fikr almashildi.

Suhbat davomida madaniy meros obyektlarini asrash, muzeylar faoliyati samaradorligini oshirish, yoshlarning tarix va adabiyotga bo‘lgan qiziqishini kuchaytirish hamda bu boradagi hamkorlikni yanada rivojlantirish yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi