Xalq deputatlari Bekobod tumani Kengashiga Oʻzbekiston „Adolat“ sotsial-demokratik partiyasidan saylangan deputat S.Shokirova hamda kotibiyat bosh mutaxassisi A.Utegenov Bunyodkor mahallasidagi 4-sonli oilaviy poliklinika faoliyati bilan tanishdilar.

O‘rganish davomida fuqarolarga o‘z vaqtida va sifatli tibbiy yordam ko‘rsatish, bemorlarni qabul qilish jarayonlari, tibbiy xizmatlarning tashkil etilishi hamda aholiga yaratilgan shart-sharoitlar atroflicha ko‘zdan kechirildi.

Shuningdek, tibbiyot xodimlari bilan muloqot o‘tkazilib, mavjud muammolar, taklif va ehtiyojlar yuzasidan fikr almashildi. Aniqlangan masalalar bo‘yicha tegishli tavsiyalar berilib, ularni bartaraf etish yuzasidan zarur choralar belgilandi.

⚖️ Aholining salomatligini mustahkamlash, sifatli va tezkor tibbiy xizmatlardan foydalanishini ta’minlash deputatlik faoliyatining muhim yo‘nalishlaridan biri bo‘lib qolmoqda.