Xalq deputatlari Qibray tuman Kengashi deputatlari O.Toirov va F.Nazarov tomonidan “Yangihayot” mahallasi aholisining elektr ta’minoti bilan bog‘liq murojaatlari joyiga chiqqan holda o‘rganildi.
O‘rganish jarayonida fuqarolar tomonidan elektr tarmoqlarining texnik holati, kuchlanishning pastligi hamda elektr energiyasi ta’minotidagi mavjud muammolar yuzasidan bildirilgan taklif va murojaatlar tinglandi. Mazkur masalalarni bartaraf etish maqsadida mutasaddi tashkilotlar vakillari bilan hamkorlikda tegishli chora-tadbirlarni amalga oshirish yuzasidan tavsiyalar berildi.
Deputatlar tomonidan murojaatlar nazoratga olinib, aholini sifatli va barqaror elektr energiyasi bilan ta’minlash borasida mas’ul tashkilotlar bilan hamkorlikda ishlar davom ettirilishi ta’kidlandi. Qibray tumanida elektr ta’minoti barqarorligini oshirish bo‘yicha tizimli ishlar olib borilayotgani ham qayd etildi.