Sessiyada tuman Kengashi raisi, deputatlar, prokuror, ichki ishlar boshlig'i, hokim o'rinbosarlari, tashkilot rahbarlari hamda OAV vakillari ishtirok etishdi.

Paxtakor tumanida jinoyatchilik va korrupsiyaning oldini olish, jamoat xavfsizligini ta’minlash hamda “Xavfsiz va ravon yo‘l” dasturi doirasida yo‘l infratuzilmasini yaxshilash masalalari sessiyada ko‘rib chiqildi. Shuningdek, mahalliy byudjet ijrosi, daromadlarni oshirish va qo‘shimcha rezervlarni aniqlash, xususiylashtirish jarayonlarini jadallashtirish, bo‘sh yer uchastkalarini auksionga chiqarish, suv resurslarini samarali boshqarish, sog‘liqni saqlash tizimi va atrof-muhitni muhofaza qilish bo‘yicha muhim masalalar muhokama qilindi.

Ko‘rib chiqilgan barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha aniq vazifalar belgilandi.