📌 Xalq deputatlari Uchquduq tuman Kengashi raisi U.Salimov tomonidan tumanimizda sport bilan muntazam shug‘ullanib kelayotgan yoshlar bilan ochiq muloqot tashkil etildi.

🤝 Samimiy va ochiq ruhda o‘tgan uchrashuvda yosh sportchilarning fikr-mulohazalari, takliflari hamda ularni qiynayotgan masalalar tinglandi.

⚽️🏀🏐 Muloqot davomida yoshlarning sport bilan shug‘ullanishlari uchun yaratilayotgan sharoitlarni yanada yaxshilash, sport maydonchalarini zamonaviy jihozlar bilan ta’minlash, turli sport turlarini rivojlantirish hamda iqtidorli sportchi yoshlarni qo‘llab-quvvatlash masalalariga alohida e’tibor qaratildi.

💬 Yoshlar o‘zlarini qiziqtirgan masalalar yuzasidan fikr va takliflarini bildirib, sport sohasida erishayotgan yutuqlari hamda kelgusidagi maqsadlari haqida so‘zlab berdilar.

🏅 Uchrashuvda yosh sportchilarni qo‘llab-quvvatlash, ularning iste’dodini yuzaga chiqarish va yuqori natijalarga erishishlari uchun zarur shart-sharoitlarni yaratish borasida amalga oshirilayotgan ishlar muhokama qilindi.

🌟 Yoshlar — kelajagimiz, sport esa sog‘lom va barkamol avlod tarbiyasining muhim omilidir!

💪 Sog‘lom yoshlar — kuchli jamiyat!