Xalq deputatlari Mirzo Ulug‘bek tumani Kengashi deputati, O‘zLiDeP a’zosi Ruslan Yerniyazov “Avayxon” mahallasi hududini ko‘zdan kechirdi.

Deputat mahalla hududidagi bolalar maydonchasini tartibga va uni xavfsiz-qulay maydonga keltirish yuzasidan mutasaddilarga bergan topshirig‘i bo‘yicha maydonchada ishlar amalga oshirilib, ushbu maydoncha bolalar uchun xavfsiz holatga keltirildi.

Shuningdek, deputat mahalla hududida obodonlashtirish ishlarini muntazam olib borish, hududni toza-ozoda saqlash, chiqindilarni o‘z vaqtida olib chiqish yuzasidan nazorat o‘rnatilishi to‘g‘risida tushuntirish berdi.