Xalq deputatlari Yunusobod tuman Kengashi deputati Sobirjonov Sanjar Sobirjonovich tomonidan Yunusobod tuman axborot-kutubxona markaziga 100 ga yaqin badiiy, ilmiy va ommabop adabiyotlar taqdim etildi.

Mazkur tashabbus yoshlar va aholining kitobxonlik madaniyatini oshirish, ilm olishga bo‘lgan qiziqishini kuchaytirish hamda axborot-kutubxona markazi fondini boyitishga qaratildi.

Taqdim etilgan adabiyotlar orqali kitobxonlar uchun yangi bilim manbalari yaratiladi, yoshlarning bo‘sh vaqtini mazmunli tashkil etish hamda ularni ma’naviy-ma’rifiy jihatdan qo‘llab-quvvatlash imkoniyati kengayadi.

Ushbu tashabbus “Axborot-kutubxona faoliyati to‘g‘risida”gi Qonun, “Yoshlarga oid davlat siyosati to‘g‘risida”gi Qonun hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunda belgilangan vazifalar ijrosiga muvofiq amalga oshirildi.

✅ Kitob — bilim, ma’rifat va taraqqiyot manbai. Bunday tashabbuslar aholining intellektual salohiyatini oshirish hamda yosh avlodni ilmga rag‘batlantirishga xizmat qiladi.

Bizni kuzatishda davom eting!