Xalıqqa óz waqtında sapalı medicinalıq járdem kórsetiliwi qadaǵalawda.
Xalıq deputatları Bozataw rayonlıq Keńesi 12-“Aspantay” saylaw okriginen (ÓzLiDeP) saylanǵan deputat G.Jumanazarova Aspantay awıl puqaralar jıyınıdaǵı «Awıllıq shıpakerlik punktin»de bolıp, ol jerdegi birlemshi dári-darmaqlar menen támiyleniw jaǵdayın úyrendı.
Úyreniw dawamında medicina mákemesiniń materiallıq-texnikalıq bazası, xalıqqa kórsetilip atırǵan medicinalıq xızmetlerdiń sapası, dári-dármaq támiynatı hám shıpaker hám medicina xızmetkerleri ushın jaratılǵan sharayatlar menen jaqınnan tanıstı.
Sonday-aq, ASHPne múrájat etip kiyatırǵan puqaralar menen sáwbet ótkerilip, olardıń pikir-usınısları tıńlandı. Mákemede anıqlanǵan ayırım kemshiliklerdi saplastırıw hám medicinalıq
xızmet sapasın bunnan bılay da jaqsılaw boyınsha tiyisli juwapkerlerge usınıslar berildi. Xalıqtıń salamatlıǵın qorǵaw, medicinalıq xızmetlerdiń sapasın arttırıw hám tarawdaǵı mashqalalardı sheshiw máseleleri turaqlı deputatlıq qadaǵalawda bolatuǵını atap ótildi.