📢 Xalq deputatlari Shovot tumani Kengashi deputati Yaxshimuratova Muxabbat Allaberganovna tomonidan Shovot tumani Idaliqal’a mahallasi hududidan o‘tuvchi “Bog‘ot q. – Yangiariq q. – Xiva sh. – Qo‘shko‘pir q. – Shovot sh. – Gurlan sh.” avtomobil yo‘lining D-220-raqamli qismida joylashgan Ko‘raklar zaxkashi ko‘prigining bugungi kundagi holati yuzasidan tegishli tashkilotga deputat so‘rovi yuborildi.
🔍 Aniqlanishicha, mazkur ko‘prik ayni paytda ta’mirtalab holatga kelib qolgan bo‘lib, hudud aholisi, ayniqsa, ushbu yo‘nalishdan muntazam foydalanib kelayotgan fuqarolar uchun qator noqulayliklarni yuzaga keltirmoqda. 🚧 Shuningdek, ko‘prikning mavjud texnik holati avtotransport vositalari harakati xavfsizligiga ham salbiy ta’sir ko‘rsatmoqda. 🚗💨
⚠️ Shu munosabat bilan Shovot tumani yo‘llardan foydalanish davlat muassasasi direktori M.Saidov nomiga yuborilgan 50-ds-448-26-sonli deputat so‘rovida mazkur ko‘prikni qisqa muddatlarda ta’mirlash, fuqarolar hamda avtotransport vositalarining xavfsiz va uzluksiz harakatlanishi uchun zarur sharoitlar yaratish so‘ralgan.
🏗 Ta’kidlanganidek, ushbu masala hudud infratuzilmasi hamda aholining kundalik hayoti bilan bevosita bog‘liq bo‘lib, muammoning ijobiy hal etilishi fuqarolarning davlat organlariga bo‘lgan ishonchini yanada mustahkamlashga xizmat qiladi.
✅ Hududdagi infratuzilma obyektlarini yaxshilash hamda fuqarolar uchun qulay va xavfsiz sharoit yaratish bo‘yicha ishlar davom etmoqda.