Xalq deputatlari Sirdaryo viloyati, Sardoba tumani Kengashi deputatlari tomonidan 10–25-aprel kunlari 1-chorakda amalga oshirilgan ishlar yuzasidan saylovchilarga axborot berishga qaratilgan Reja-grafik tasdiqlandi.

Mazkur Reja-grafikka muvofiq, deputatlar o‘z saylov okruglarida uchrashuvlar o‘tkazib, aholiga olib borilgan amaliy ishlar, erishilgan natijalar hamda hal etilgan muammolar to‘g‘risida batafsil ma’lumot taqdim etadilar.

Shuningdek, uchrashuvlar davomida fuqarolarning murojaatlari, taklif va mulohazalari tinglanib, ularni hal etish bo‘yicha aniq chora-tadbirlar belgilab olinadi.

Reja-grafik ijrosi doirasida deputatlarning aholi bilan muloqoti yana-da kuchaytirilib, ochiqlik va shaffoflik tamoyillari ta’minlanadi.

Bu esa o‘z navbatida, xalq vakillarining hisobdorligini oshirish, saylovchilar ishonchini mustahkamlash hamda hududdagi ijtimoiy-iqtisodiy masalalarni samarali hal etishga xizmat qiladi.