Xalq deputatlari Toshloq tuman Kengashi deputati M.Xoldorova tomonidan Axshakguzar mahalla fuqarolar yig‘inida o‘tkazilgan uchrashuvlar davomida hududdagi kanalizatsiya tizimi bilan bog‘liq muammo aniqlangan. Xususan, O‘zbekiston va Mo‘jiza ko‘chalari tutash hududda ko‘p qavatli uylar kanalizatsiya tarmog‘idagi nosozlik oqibatida oqava suvlarning ochiq ariq suvlariga qo‘shilishi holati kuzatilmoqda. Tuman Sanitariya-epidemiologik osoyishtalik va jamoat salomatligi bo‘limi tomonidan olingan laboratoriya tahlillari suv tarkibida aholi salomatligiga salbiy ta’sir ko‘rsatadigan omillar mavjudligini ko‘rsatgan.

Mazkur kanalizatsiya tizimidagi nosozliklarni bartaraf etish va kelgusida shunday holatlarning oldini olish bo‘yicha aniq chora-tadbirlar belgilanishi masalasida tuman hokimligiga deputat so‘rovi yuborildi.