Qaraózek rayonı Mádeniyat awıl puqaralar jıyınında Xalıq deputatları Qaraózek rayonlıq Keńesi baslıǵı G.Yusupova hám máhálle wákilleri, kóshe biyleri, belsendi hayal-qızlar qatnasında ushırasıw shólkemlestirildi. Ushırasıwda Keńes baslıǵı tárepinen aymaqtı social-ekonomikalıq rawajlandırıw baǵdarında belgilengen wazıpalar hám olardıń orınlanıwı, xalıqtı sociallıq qorǵaw baǵdarındaǵı ilajlar haqqında tanıstırdı.  

Sonday-aq, máhálle baslıǵı D.Atajanov aymaqta ámelge asırılıp atırılǵan jumıslar barısı hám kem támiyinlengen, sociallıq járdemge mútáj puqaralarǵa kórsetilip atırılǵan járdemler, "máhálle jetiligi" iskerligi haqqında maǵlıwmat berdi. Ushırasıwda qatnasıwshılardıń usınıs hám múrajatları tıńlanılıp, orınlanıwı boyınsha deputatlıq hám jámiyetlik qadaǵalawǵa alınıwı, máhálle menen tıǵız baylanısta jumıs alıp barıw ilajları belgilendi.