Tuman Kengashi 24-Gazli saylov okrugi deputati Sh.Xaydarov mahalla fuqarolar yig‘ini ijtimoiy xodimi bilan hamkorlikda nogironligi bo‘lgan fuqarolar holidan xabar oldi. Ushbu tashrif davomida ularning yashash sharoitlari, kundalik ehtiyojlari va muammolari o‘rganildi.

Suhbat jarayonida fuqarolarning murojaat va takliflari tinglanib, ularga amaliy yordam ko‘rsatish masalalari muhokama qilindi. Ayrim muammolarni joyida hal etish choralari ko‘rildi. Shuningdek, nogironligi bo‘lgan shaxslarni ijtimoiy qo‘llab-quvvatlash, ularning turmush sharoitlarini yaxshilash bo‘yicha takliflar bildirildi.

Deputat bunday tashriflar doimiy ravishda davom ettirilishini ta’kidladi. Chunki aholining ehtiyojmand qatlamini qo‘llab-quvvatlash, ularga e’tibor va g‘amxo‘rlik ko‘rsatish jamiyatning muhim vazifalaridan biri hisoblanadi.