18-Hazortut  saylov okrugi deputati M.Jumayeva tomonidan mahallada xotin-qizlar bilan olib borilayotgan ishlar o’rganildi. Tashrif davomida xotin-qizlarning ijtimoiy faolligini oshirish, ularning bandligini ta’minlash, oilalar farovonligini mustahkamlash hamda muammolarini o’z vaqtida hal etish borasida amalga oshirilayotgan ishlar bilan yaqindan tanishildi.

Shuningdek, xotin-qizlar faoli tomonidan ish hujjatlarini tartibli va talab darajasida yuritilayotgani, murojaatlar bilan ishlash hamda ehtiyojmand oilalarni doimiy nazoratga olish ishlari samarali tashkil etilgani ta’kidlandi.

Mahallada xotin-qizlarni tomorqadan unumli foydalanishga yo’naltirish borasida amalga oshirilayotgan ishlar ham alohida e’tirof etildi. Ayniqsa, bir qator xotin-qizlar tomonidan tomorqa yer maydonlarida pamidor yetishtirish yo’lga qo’yilib, bu orqali oilaviy daromad manbai yaratilayotgani qayd etildi. Mazkur tashabbus nafaqat xonadonlar farovonligini oshirish, balki aholi bandligini ta’minlashda ham muhim ahamiyat kasb etayotgani ta’kidlandi.