Mahallada faoliyat olib borayotgan xotin-qizlar faolining ish hujjatlari yuritilishi holati o’rganildi. Tashrif davomida xotin-qizlar bilan ishlash tizimi, murojaatlar bilan ishlash tartibi, ijtimoiy himoyaga muhtoj oilalar ro’yxati hamda amalga oshirilayotgan chora-tadbirlarga oid hujjatlarning belgilangan tartibda yuritilayotganiga alohida e’tibor qaratildi.

Shuningdek, xotin-qizlarning bandligini ta’minlash, ularni kasb-hunar va tadbirkorlikka yo’naltirish, ijtimoiy-ma’naviy qo’llab-quvvatlash borasida olib borilayotgan ishlar tahlil qilindi. Faol tomonidan ish hujjatlarini tartibli va mas’uliyat bilan yuritish, har bir murojaatni o’z vaqtida nazoratga olish hamda muammolarni hal etish yuzasidan amaliy ishlar olib borilayotgani ko'rib chiqildi.

Tashrif yakunida deputat tomonidan ish samaradorligini yanada oshirish, hujjatlar yuritilishini takomillashtirish hamda xotin-qizlar bilan ishlashda manzilli yondashuvni kuchaytirish yuzasidan tegishli taklif va tavsiyalar berildi.