🔻Xalq deputatlari Jizzax shahar Kengashining “Qurilish, kommunal sohalar, ekologiya, sanoat va transport masalalari bo‘yicha” doimiy komissiya raisi B.Toshpo‘latov tomonidan “Bir mahalla – bir tashabbus” loyihasi doirasida Jizzax shahrida ko‘p kvartirali uy-joylarni boshqarish tizimini rivojlantirish borasida amalga oshirilayotgan ishlar holati o‘rganildi.

🔻 Jarayonda shahardagi “Ittifoq” MFY aholiga xizmat ko‘rsatayotgan boshqaruv servis kompaniyasi faoliyati tahlil qilindi. Jumladan, uy-joylarning texnik holati, obodonlashtirish ishlari, sanitariya holati, aholi murojaatlarini ko‘rib chiqish tizimi hamda to‘lov intizomi masalalari atroflicha ko‘rib chiqildi.

🔻O‘rganishlar davomida mavjud muammolar, ularni bartaraf etish choralari hamda boshqaruv tizimini yana-da takomillashtirish bo‘yicha taklif va tavsiyalar ishlab chiqildi. Shuningdek, masʼul tashkilotlar va boshqaruv kompaniyalariga aniq vazifalar belgilab berildi.