“2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида”ги ПҚ-49-сонли қарори ижросини таъминлаш мақсадида Заркент маҳалла фуқаролар йиғини ҳудудида қатор инфратузилмавий ишлар амалга оширилмоқда.

Жумладан, мазкур маҳаллада аҳоли учун қулай шароитлар яратиш мақсадида пиёдалар йўлакларини барпо этиш ҳамда сув чиқариш тизимини яхшилаш учун лотоклар ётқизиш ишлари режалаштирилган.

Дастур доирасида ушбу лойиҳани амалга ошириш учун 1 миллиард 20 миллион сўм маблағ ажратилиши белгиланган бўлиб, бу ўз навбатида маҳалла инфратузилмасини яхшилашга хизмат қилади.

Айни вақтда ушбу объектда “BARAKOT-HIMMAT FAYZ” хусусий корхонаси томонидан қурилиш ишларини бошлаш юзасидан тайёргарлик ишлари олиб борилмоқда.

Бугун туман ҳокими, халк депутатлари туман Кенгаши депутати А.Нажмиддинов ҳудудга ташриф буюриб, амалга оширилаётган ишлар билан танишди ҳамда қурилиш ишларини сифатли ва белгиланган муддатларда якунлаш бўйича масъул ташкилотларга тегишли топшириқлар берди.

Мазкур лойиҳа аҳолига қулайлик яратиш, ҳудудни ободонлаштириш ҳамда инфратузилмани янада ривожлантиришга хизмат қилади.

Slide 1 of 1