Shovot tumani Xalq deputatlari tuman kengashi deputati D.Shadanovaga Shovot mahallasidagi fuqarolar tomonidan og‘zaki murojaat yo‘llangan edi.

Murojaatda Shovot mahallasi K.Otaniyazov ko‘chasi (eski kino teatr) oldida ichimlik suvi quvuri teshilib, suv isrof bo‘layotgani ma’lum qilingan. 💧

Mazkur holat yuzasidan deputat tomonidan "Xorazmsuvta’minoti" AJning Shovot tumani filiali boshlig‘i K.Vaisov nomiga deputat so‘rovi yuborilgan edi.

Natijada korxona xodimlari tomonidan muammo tezkorlik bilan bartaraf etildi va ichimlik suvi sizib chiqishi to‘xtatildi. 🛠

Aholi murojaatlariga befarq bo‘lmaslik va muammolarni o‘z vaqtida hal etish – deputatlik faoliyatining ustuvor yo‘nalishidir.