“Firibgarlikdan saqlaning” targ‘ibot aksiyasi doirasida

“Ogoh bo‘ling, firibgar!” mavzusida Mingtepa yoshlari o‘rtasida uchrashuv

Mingtepa hududida yoshlar o‘rtasida firibgarlik jinoyatlarining oldini olish, ularni turli aldov va internet firibgarliklaridan ogoh etish maqsadida “Firibgarlikdan saqlaning” targ‘ibot aksiyasi doirasida “Ogoh bo‘ling, firibgar!” mavzusida uchrashuv tashkil etildi.

Mazkur tadbirda Go‘bayeva Umida Usmonkulovna — Xalq deputatlari Bulungʻur tuman Kengashi 1-Bog‘bon saylov okrugidan saylangan deputati ishtirok etdi va yoshlarni ogohlikka chorladi.

Tadbir davomida mutaxassislar va mas’ullar tomonidan:

•  Telefon va internet orqali sodir etilayotgan firibgarlik turlari
•  Soxta kredit va investitsiya takliflari
•  Bank kartalari bilan bog‘liq xavfsizlik qoidalari
• Ijtimoiy tarmoqlardagi shubhali havolalar va yolg‘on e’lonlar haqida batafsil ma’lumotlar berildi.

Yoshlar bilan ochiq muloqot o‘tkazilib, ularning savollariga javob qaytarildi hamda real hayotiy misollar orqali firibgarlik holatlaridan qanday himoyalanish bo‘yicha amaliy tavsiyalar berildi.

Tadbir yakunida ishtirokchilarga ogohlikni oshirish, shaxsiy ma’lumotlarni himoya qilish va shubhali holatlarda darhol tegishli tashkilotlarga murojaat qilish zarurligi yana bir bor eslatib o‘tildi.

Ogoh bo‘ling, firibgarlarga aldanmang!

Xalq deputatlari Bulung‘ur tuman Kengashi