Ramazon oyida inson qadri ulug‘lanmoqda: ehtiyojmand oilalar holidan xabar olindi

Kuni kecha Shavkat Mirziyoyev rahbarligida o‘tkazilgan kengaytirilgan videoselektor yig‘ilishida Ramazon oyida aholini rozi qilish, ayniqsa, kam ta’minlangan va ijtimoiy himoyaga muhtoj oilalardan xabar olish bo‘yicha muhim vazifalar belgilab berilgan edi. Ushbu topshiriqlar ijrosini ta’minlash maqsadida joylarda amaliy ishlar olib borilmoqda.

Jumladan, Xalq deputatlari Namangan shahar Kengashining 11-Yangiobod saylov okrugi deputati Toxtabayev Olim Sabitxanovich tomonidan okrug hududidagi Majnuntol va Yangiobod mahalla fuqarolar yig‘inlarida istiqomat qiluvchi kam ta’minlangan, ijtimoiy himoyaga muhtoj oilalar holidan xabar olindi.

Tashrif davomida oilalarning yashash sharoiti, muammo va ehtiyojlari o‘rganilib, ularga ma’naviy qo‘llab-quvvatlash ko‘rsatildi. Bu kabi xayrli ishlar Ramazon oyining insonparvarlik, mehr-oqibat va saxovat kabi ezgu qadriyatlarini yanada mustahkamlashga xizmat qilmoqda.