🏛 DEPUTATLIK NAZORATI AMALGA OSHIRILDI

Xalq deputatlari Sherobod tumani Kengashining 13-Qo‘shtegirmon saylov okrugidan saylangan deputat N. Saidova tomonidan “Balxiguzar” mahalla fuqarolar yig‘ini hududida joylashgan 70-sonli umumta’lim maktabida deputatlik nazorati tadbiri o‘tkazildi.

Nazorat jarayonida maktabning sport zali, undagi sport anjomlari hamda ularning texnik holati atroflicha ko‘zdan kechirildi. Sport jihozlarining o‘quvchilar tomonidan xavfsiz va samarali foydalanish talablariga muvofiqligi o‘rganildi.

Shuningdek, ta’lim jarayonining uzluksiz va sifatli tashkil etilishi, o‘quvchilar uchun xavfsiz hamda qulay shart-sharoitlar yaratilganligi yuzasidan ham tahliliy o‘rganishlar olib borildi.

O‘rganishlar yakunida aniqlangan kamchiliklarni bartaraf etish, mavjud sharoitlarni yanada yaxshilash hamda o‘quvchilar uchun qulay ta’lim muhitini yaratish bo‘yicha tegishli mas’ullarga zarur tavsiya va ko‘rsatmalar berildi.