Mahallada deputat qabuli o‘tkazildi.

Xalq deputatlari Uzun tuman Kengash deputati A.Bakiyev “Erkinlik” mahalla fuqarolar yig‘inida aholi murojaatlarini o‘rganish bo‘yicha qabul o‘tkazildi.

Qabulda fuqarolar tomonidan mahallaning infratuzilmasini yaxshilash yuzasidan ichki yo‘larni ta’mirlash, eski sim yog‘och ustunlarini temir beton ustunlarga almashtirish, ichimlik suvi bo‘yicha yangi quvurlar tortish va boshqa masalalar bo‘yicha tushgan murojaatlar mahalla yettiligi a’zolari bilan birgalikda atroflicha ko‘rib chiqilib, ularni amaldagi tartiblar asosida hal etish choralari belgilanib, muddat talab qilinadigan murojaatlar nazoratga olinib, mas’ullar tomonidan ijro uchun qabul qilingan bo‘lsa, ayrim masalalar yuzasidan esa shu joyning o‘zida tegishli huquqiy maslahatlar berildi.

Deputat tomonidan kelgusida ham aholi bilan muntazam ravishda individual va ommaviy uchrashuvlar o‘tkazilishi, fuqarolarning muammolarini hal etishda faol ishtirok etilishi ta’kidlandi.