Aholining madaniy hayotini yuksaltirish, madaniy xizmatlar sifatini oshirish hamda madaniyat muassasalari faoliyatining samaradorligini ta’minlash doimiy e’tibor talab etadi. Shu maqsadda Xalq deputatlari Marg‘ilon shahar Kengashi deputatlari tomonidan shahar Madaniyat bo‘limi faoliyati deputatlik nazorati tartibida o‘rganildi.

O‘rganish mahalliy Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya ijrosi doirasida tashkil etildi.

Jarayonda Kengash kotibiyati mudiri A.Ermatov va kotibiyat bosh mutaxassisi Z.Yakubova, N.Akbarova ishtirok etdilar. Mas’ullar bo‘lim faoliyati bilan tanishib, tegishli hujjatlarni o‘rgandilar.

Jumladan, tasdiqlangan ish rejalari va hisobotlarning yuritilishi, kadrlar tarkibi, belgilangan vazifalarning bajarilishi hamda aholiga madaniy xizmat ko‘rsatish holatiga e’tibor qaratildi. Shuningdek, budjet mablag‘laridan maqsadli va samarali foydalanish, mavjud imkoniyatlardan unumli foydalanish hamda faoliyatni belgilangan talablar asosida tashkil etish masalalari o‘rganishning muhim yo‘nalishlaridan bo‘ldi.

Bo‘lim rahbari A.Yuldashevning ma’lumotiga ko‘ra, bugungi kunda shahar Madaniyat bo‘limida 46 nafar xodim faoliyat yuritmoqda. Mazkur mehnat jamoasi zimmasiga aholining madaniy ehtiyojlarini qondirish, milliy qadriyatlar va an’analarni asrab-avaylash, madaniy tadbirlarni tashkil etish hamda hududda madaniy hayotni rivojlantirish kabi muhim vazifalar yuklatilgan.

Deputatlik nazorati doirasidagi bunday o‘rganishlar muassasalar faoliyatiga xolis baho berish, mavjud muammo va kamchiliklarni aniqlash, ularning bartaraf etilishi yuzasidan tegishli choralarni belgilashga xizmat qiladi.